«Ֆասթ Բանկ»-ն իր ուղին ֆինանսական համակարգում սկսել է 1994 թվականին որպես գրավատուն, այնուհետև 2011 թվականին գրանցվել է որպես վարկային կազմակերպություն՝ «Ֆասթ Կրեդիտ Կապիտալ» ՈւՎԿ ՓԲԸ անվանմամբ:

2022 թվականի նոյեմբերի 9-ին «Ֆասթ Կրեդիտ»-ը ստացել է բանկային գործունեության լիցենզիա և գրանցվել որպես «Ֆասթ Բանկ» ՓԲԸ: Կազմակերպությունն իր ծառայությունները հաճախորդներին մատուցում է 24/7 ռեժիմով՝ Երևանում և ՀՀ մարզերում գործող 29 մասնաճյուղերում:

«Ֆասթ Բանկ»-ը շարունակելու է իր զարգացման ուղին՝ նպատակ ունենալով դառնալ թվային բանկ և ստեղծել առցանց էկոհամակարգ՝ ձևավորելով նոր կենսակերպ թվային հարթակում:

Առաքելություն և տեսլական

Առաքելությունն է՝ աջակցել միկրո, փոքր և միջին ձեռնարկատիրության զարգացմանը, հատկապես գյուղական վայրերում՝ վարկերի, փոխառությունների և օրենսդրությամբ սահմանված այլ ծառայությունների մատուցման միջոցով, ինչպես նաև նպաստել սպառողական վարկավորման զարգացմանը:

Տեսլականն է՝ լինել դինամիկ զարգացող ֆինանսական հաստատություն և մատուցել ֆինանսական ծառայությունների լայն շրջանակ՝ արագ և բարձրորակ սպասարկման միջոցով: «Ֆասթ Բանկ» ՓԲԸ-ն նպատակ ունի ֆինանսական ծառայությունները դարձնել ավելի հասանելի հասարակության տարբեր շերտերի համար, նույնիսկ նրանց, ովքեր դեռևս հնարավորություն չունեն ստանալու այդ ծառայությունները բանկերից և այլ վարկային կազմակերպություններից:

Արժեքներ

• Ազնվություն և վստահություն – «Ֆասթ Բանկ»-ն ազնիվ է, արդար և ձեռք է բերում վստահություն՝ պահպանելով վարքագծի բարձր չափանիշներ:
• Միասնություն – Ընկերությունն աշխատում է որպես մեկ թիմ՝ իր նպատակներին հասնելու համար:
• Արդյունավետ կառավարում – Գործառնությունները պարզ են և հստակ կազմակերպության բոլոր մասնակիցների համար:
• Առաջնորդություն – Ընկերությունը մշտապես վերապատրաստում է իր աշխատակիցներին, որպեսզի նրանք ունենան բավարար գիտելիքներ և հմտություններ ֆինանսական ծառայությունների և հաճախորդների սպասարկման ոլորտում: Ընկերությունն աշխատակիցներին տրամադրում է համապատասխան տեղեկատվություն և խրախուսում է նրանց շարունակաբար կատարելագործել իրենց գիտելիքները, հմտություններն ու աշխատաոճը: